Prasabene Kang Noelis Pakem

Moego podo di galih, jen sadjarah kang ta-himpoen ing pakem iki akeh banget paedahe marang para ahli kabeh kaja ta:

Kang sapisan: pada weroeh anane toeroene lan leloehoere soewargi Ejang Mas Behi Kartodikromo sarimbit, sarta lijane koelawarga kang ora toeroen saka Ejang iaikoe leloeri lan batihe Man Sowidjoio (zie bijlage H.) lan Man Wirio cs. (zie bijlage G.)

Kapindone: saben kadang tansah kawroehan gegajoetane sarta pengga-wejane.

Kaping teloene: bisa andjalari noekoelake welas asihing sadoeloeran, lan bisa oega dadi djalaran petoeking kadang, kang wis adih, babasan: "anepoekake baloeng kapisah".

Dene bisakoe weroeh anane ahli-ahli kang katoelis ing pakem iki iaikoe saka katrangane para ahli kang kaseboet No. 25, 30, 32,  34, 63, 80, 81, 85, 86, 89, (Mas Hadi), 101, 113, 126, 132, 139 lan 255 sarto lijane kang pada ngirimi katrangan, lan ametik apa kang wis di pengeti ing pakeme soewargi Ejang Kartodikromo dewe, sarta manoet tjatetankoe saka katrangane soewargi rama Mas Soetoredjo (No. 10) nalika isih soegenge (22 Juli 1916).

Pangestikoe pakem iki soepaia dadi poesaka kang peni lan dadi sesoeloeh kawroeh marang para koelawarga. Soepaia di adji-adji klawan boedi kang oetami lan tansah elinga marang Ejang soewargi. Manawa saiki sawise pakem iki di tjap, oetawa ing tembene kaweroehan ana kang ora bener, oetawa ana ahli kang kliwatan ora kaleboe ing pakem, soepaia di benerna apa mestine.

Wekaskoe anggone pada benerna soepaia klawan tjiptaning boedi kang tadjem, ajem, tentrem, temen, lila lan oetama sarta tansah angengetana djarwaning tjandra sangkala ing ngisor iki. Sadjarah-sadjarah kang di toelis ing bijlage A, B, C, D, E, F, among ta-pengeti kang gegajoetan marang ahline soewargi Ejang Kartodikromo bahe, moelane lija-lijane ora meloe di toelisi.

Moelane pakem iki di toelis aksara latijn, krono saiki akeh para moeda kang ora bisa matja aksara Djawa. kang noelisi sadoeroenge pakem iki ditjapake, iaikoe Soegati (No.264). Anggonkoe wiwit anata pakem iki lan katemoekoe marang para ahli maoe, ing sadjerone woelan Soero 1862 (Juni 1931) moelane temboeng "saiki" kang katoelis ing pakem anerangna wektoe ing sadjerone woelan Juni Juli 1931

Sang kalaning warso tinengeran: "Katon rinengga salira toenggal leloehoer". Saben ahli perloe anjimpen pakem iki Pratelan kang pada oeroen di tjatet ing bijlage L.

 

Djetis (Kendal) 31 Juli 1931

R. Ng. Tjokrohadiwikromo.
g. z. s.

Gepd. Ondercollecteur Kendal.

Selanjutnya di kategori ini: Mas Behi Kartodikromo »

Most Popular Articles

The Mystery of Gajah Mada's Death, Majapahit War Commander

Gajah Mada was known as the famous figure not only in the history of Majapahit kingdom, but also for the entire nation. His popularity was even bigger than Hayam Wuruk who was the king at that time. However, he was not known as the War Commander only but also… Read More

The Tragedy of the Bubat War and the Cancel of Marriage of Hayam Wuruk-Dyah Pitaloka

Bubat happened in 1279 Saka or 1357 masehi in 14th century. Bubat happened in the reign of Hayam Wuruk In Majapahit. The war happened because of the fight from Gajah Mada and also Prabu Maharaja Linggabuana from Sundanese kingdom. The fight caused the… Read More

The Story of The First Cakraningrat From Madura

Cakraningrat I was known also as Raden Prasena and he was the King of Madura in the land of Java who led west Madura as the leader under Mataram kingdom. According to the story, Cakraningrat or Raden Prasena married to the princess from Mataram kingdom. Since… Read More