Loading...

Basiyo, Maestro Dagelan Jawa Tengah Gaya Mataram

Dagelan utawa lawak kalebu salah sawijine kesenian kang wes tuwuh suwe ing tlatah Jawa Tengah. Dagelan Mataram kalebu salah sawijine grup utawa paguyuban dagelan gagrak lawas kang legendaris. Nganti saiki, jeneng Dagelan Mataram nganti saiki ora surut, senajan tokoh e wes podho ‘dipundhut’. Nyeritakake babagan tokoh Dagelan Mataram, mulo ora bisa nglalekake Basiyo, minongko pioner utawa oyot e dagelan Jawa lan umume seni lawak ing Indonesia.

Awit soko kaprigele anggone ndagel, ora salah manawa Basiyo diarani maestro Dagelan Mataram. Minongko pelawak utawa pendagel, Basiyo ora mung waton. Piyambake nduweni ciri khas, yaiku ngangkat budaya Jawa Mataraman. Anggone ndagel Basiyo nduweni gaya monolog, persis koyo stand up comedy kang pirang-pirang tahun iki tenar ing kalangan enom.

Ananging, cerita kang diangkat utawa dadi lakon ndagel Basiyo iku didasarake realitas sosial lan pengamatan sosial. Basiyo uga nduweni ‘koco benggolo’ kang seje anggone mirsani kahananiku mau. Mulo, piayambake bisa nguculake lawakan kang khas nanging mentes.

Awit kaprigelane iku, dagelan ‘munggah pangkat’, sejajar karo kesenian Wayang Kulit, Wayang Uwong, Ketoprak lan sak panunggalane. Mbiyen dagelan dianggap kesenian Jawa kang asor utawa remeh. Nanging, carane Basiyo anggone nggodhok realitas masyarakat dadi bahan lawak kanthi analisis kang landep, nuwuhake dagelan kang ‘ora murahan’.

Saking pinter e Baiyo anggone ngolah bahan dagelan, masyarakat nganti nduweni karapan khas anggone ndagel, yoiku ‘mbasiyo’. Karapan iki ateges humor e Baiyo iku nduweni kapribaden sarta bisa nonton soko kenyataan.

Amarga substansi utawa isine dagelan kang ora ‘asor’ kuwi mau, nganti saiki Dagelan Mataram dening Basiyo tetep lestari, senajan mung biso dirungoake soko rekaman audio utawa siaran radio-radio.  

Basiyo ora mung kasil nggedhekake  Dagelan Mataram minangka paguyuban lawak Jawa Tengah gaya Mataram Jogja, nanging uga bisa dadi inspirasi tuwuhe seni lawak ing Indonesia. Salah sawijine grup lawak kang diilhami ‘gaya’ Dagelan Mataram, yaiku Srimulat. Cara adegan, pola ucap uga karakterisasi lan dramaturgi grup dagelan kang dipimpin dening Teguh Srimulat lan moncer ing tahun 1970an iku mirip koyo Dagelan Mataram.

Sakjroning dadi pendagel, Basiyo wes ngasilake okeh rekaman kaset dagelan. Lakon-lakon kang tenar iku antarane, , “Dadung Kepuntir”, “Sampek Ingtay”, dan “Basiyo Mbarang”, “Basiyo Nanggap Kroncong” kang diproduksi dening label Fajar Record Semarang, uga lakon “Gandrung Kepenthung”, lan “Pari Bengkong” kang diproduksi dening label Kusuma Record, Klaten, Jawa Tengah.  Kajaba iku, ana uga lakon kondang “Goro-Goro Berlian,”  kang dilabel Nisanda Record (Semarang).

Piyambake uga ngisi acara Pangkur Jenggleng kang disiarake dening Radio Republik Indonesia (RRI) Yogyakarta ing tahun 1950. Acara kasebut uga Dagelan Mataram pancen dadi titik balik karier Basiyo minongko seniman dagelan. Amarga group lan acara iku, asmane terus ‘mabur’. Keremenane tumprap budaya Jawa, khususe dagelan ora cukup mung diwujudake kanthi penthas ‘rono-rene’ lan rekaman ing kaset uga siaran ing radio, naliko semono, nanging uga diwujudake kanthi ndharmabakteake awake kanggo Kraton Ngayogyakarta, kanthi dadi abdi dalem.

Pangkate minangka abdi dalem, yaiku Lontangpangarsa. Piyambake dadi abdi dalem ‘oceh-ocehan’ kang nduweni tugas nglipur raja kanthi lawakan. Biso dibayangke, manawa raja wae nganthi bisa dilipur, kepiye anggone nglipur masyarakat umume. Ngelingi manawa raja iku  piyantun kang luhung, anggone matur uga ora bisa sembrono.

Ngono mau cerita singkat babagan sang maestro Dagelan Mataram Jawa Tengah, Basiyo. Piyambake tilar dunyo ing tahun 1979. Sawise ‘tindhake’, acara Pangkur Jenggleng ing RRI Yogyakarta tetep disiarake rutin saben Senin bengi wiwit jam 11 nganti 2 isuk, disengkuyung Ngabdul lan seniman RRI Yogyakarta liyane

Kami Ingin Melepas Beberapa Barang Antik Koleksi Keluarga, Harga Mulai Dari Rp400.000

Barang antik (berasal dari bahasa Latin: antiquus), adalah sebuah istilah yang menunjuk kepada benda-benda yang sudah berusia tua, mulai dari perabotan, barang elektronik, instrumen musik, hingga karya seni. Selengkapnya...

Cara Melanjutkan Bisnis Kuliner Yang Berasal Dari Warisan Keluarga

Warisan berasal dari bahasa Arab Al-miirats, bentuk masdar dari kata waritsa- yaritsu- irtsan- miiraatsan. Maknanya ialah ‘berpindahnya sesuatu dari seseorang kepada orang lain’, atau dari suatu kaum kepada kaum lain. Dengan kata lain, warisan adalah harta peninggalan yang ditinggalkan pewaris kepada ahli waris, apapun bentuknya baik itu harta, nama baik, termasuk juga bisnis kuliner yang dijalankan oleh keluarga.

Ceritane Didik Nini Thowok Golek Duit Dadi Penari Kondang lan Jajah Milangkori

Lair 15 November 1954, Didik Nini Thowok, penari kondang lan jajah milangkori iku asline saka Temanggung, Jawa Tengah. Asma asline, yaiku Kwee Tjoen Lian. Katon soko asmane manawa Didik Nini Thowok asline nduweni getih Tionghoa. Ramane ora liyo peranakan Tionghoa kang ‘kedampar’ ing Temanggung, yaiku Kwee Yoe Tiang. Amarga Didi cilik kerep loro-loronen, ramane mulo ngganti asmane soko Kwee Tjoen Lian dadi Kwee Tjoen An. Dene biyunge asli Jawa, yaiku Suminah kang asli saka Desa Citayem, Cilacap. .Baca Selengkapnya...

Get to know the Mangkunegaran Dynasty and its Founder, Pangeran Sambernyawa

Pangeran Sambernyawa was known as Raden Mas Said since he was born and he was so famous with his struggle to fight Dutch. Then, he was known as Pangeran Sambernyawa in the dynasty of Mangkunegaran. He was born in Keraton Kartosuro in 1725 and he was son of Pangeran Arya Mangkunegaran and the grandson of Paku Buwono I. However, he was different from other kings in general who was surrounded by wealth and luxury.