Loading...

Iki Kang Njalari Ki Manteb Soedharsono Kasebut Dalang Wayang Kulit Setan

Jawa Tengah pancen lemahe para dhalang wayang kulit, wiwit iring etan tekan kulon, okeh dhalang kang kondang. Manawa ing iring kulon, ana Ki Entus Susmono saka tegal kang misuwur kanthi dhalang wayang kulit sisan golek, ing tlatah etan luwih okeh dhalang kondang, kayata Ki Nartosabdo, Ki Anom Suroto uga kang tenar kasebut dalang setan yaiku Ki Manteb Soedharsono. Sejatine apa kang njalari Ki Manteb kasebut dhalang setan, artikel iki bakal mbedah babagan iku.

Ramane yaiku Ki Hardjo Brahim kang nekuni seni pedalangan tulen. Piyambake ora ndhuweni pakaryan liyane. Ibune uga seniman, yaiku niyaga utawa penabuh gamelan. Ki Manteb cilik wes oleh didikan keras saka ramane. Ramane kepengen putrane iku dadi dhalang ing tembe mburi. Ora gumun  mula manawa ramane asring ngajak Ki Manteb cilik nalika ana pentas-pentas.

Seje ramane, seje maneh biyunge. Biyunge malahan kepengen manawa Manteb ora mung dadi dhalang tulen, nanging uga duwe pakaryan liyane. Awit saka iku, mula Ki Manteb enom disekolahake ana in STM Manahan, Solo. Ananging kaya paribasan, ‘woh tiba ora adoh saka wite,’ seni wes dadi jiwane Ki Manteb wiwit cilik. Piyambake malahan wes laris ndalang wayang kulit wiwit isih cilik, saengga pendidikane malah ketinggalan. Kanggo ngoyak kerier ing jagad pedalangan, piyambake banjur milih mandeg sekolah.

Sanadyan getih seni wes tumurun ing awake, nanging ora sekonyong-konyong Ki Manteb nggayuh kasuksesan ing jagad pedalangan. Piyambake butuh identitas utawa ciri khas kanggo mbedakake karo dhalang-dhalang kang wes misuwur sadurunge.

Rikala tahun 1970an tekan 1980-an, Ki Natosabdo bisa kasebut ‘lintange’ seni pedalangan. Semono uga Ki Anom Suroto kang nyusul dadi ‘primadona’ seni kasebut. Dhalang loro kuwi nduweni ciri khas dhewe-dhewe. Ki Nartosabdo kondang minangka keahliane ing seni dramatisasi, dene Ki Anom Suroto unggul ing seni suara. Ora gelem kalah karo para senior, Ki Manteb wani milih dadi dhalang kang ahli sabet alias prigel anggone ngobahke wayang.

Kanggo nglayahake ketrampilan iku, piyambake ngangsu kawruh karo Ki Sudarman Gondodarsono ing tahun 1974.  Kajaba iku, Ki Manteb uga seneng nonton film laga, yaiku Kung Fu kang dibintangi dening Bruce Lee lan Jackie Chan. Awit saka lincahe anggonke ngobahke wayang iku, Ki Manteb banjur kondang kasebut Dhalang Setan.

Ora mung tekan semono, gebarakan anyar kang diusung Ki Manteb ing seni pedalangan. Kanggo nyengkuyung endahe seni sabet wayang kang dilakoke ing pentas, Ki Manteb ora baeng-baeng malahan wani nggowo peralatan musik modern, kaya tambur, biola, terompet lan simbal. Kaya dene Ki Nartosabdo kang nate dikritik amarga ngusung banyolan ing adegan Keraton kang kudune kaku, Ki Manteb uga nampa pacoban kang padha. Ora sithik pihak kang ora setuju karo pembaharuan kasebut. Ananging okeh uga para pendukung kang pro Ki Manteb.

Tanpa mikirake pro lan kontrane, ora bisa ditampik manawa seni sabet wayang Ki Manteb pancen MANTEB! Sabet  ora mung kanggo nunjukake adegan tarung utawa perang, nanging uga nari, susah, seneng, kaget, ngantuk lan sak piturute. Piyambake uga bisa nggawe adegan kilas balik utawa flashback kang sadurunge mung ana ing jagad perfilman lan kasusastran.

Kuwi mau minangka ceritane Ki Manteb Soedharsono kasebut dhalang setan. Nganti saiki Ki Mantem isih aktif ndalang ing pirang-pirang papan. Kejaba kondhang dadi dhalang wayang kulit, Ki Manteb uga nate dadi bintang iklan obat lara sirah kanthi jargon ‘ Pancen Oye’ - kang kondang tekan saiki.

Tagar
 
 

INDONESIA AUTOMOTIVE COMMUNITY

IAC Indonesia Automotive Community Aplikasi Android Terbaik untuk Pecinta Otomotif Dan Komunitasnya

Aplikasi Android khusus untuk Pecinta Otomotif Dan Komunitasnya, yang berisi  info terbaru tentang jadwal event, touring, pameran, kopdar, forum diskusi dan penawaran merchandise dari berbagai komunitas baik mobil ataupun motor.

Baca selengkapnya...

  • Graceful Family Kisah Tentang Keluarga Kaya Raya Yang Penuh Dengan Drama

    Graceful Family, Kisah Tentang Keluarga Kaya Raya Yang Penuh Dengan Drama

    Graceful Family (Hangul: 우아한 가; RR: Uahan Ga) adalah serial drama Korea Selatan (biasa disingkat Drakor) yang dirilis pada tanggal 21 Agustus 2019 dan disiarkan oleh TV kabel di Korea Selatan. setiap Rabu dan Kamis pukul 23:00 (WSK) di MBN dan Dramax. Melodrama ini dibintangi oleh Im Soo-hyang, Lee Jang-woo, dan Bae Jong-ok.
  • Because of Pomegranates, Sunan Giri Married 2 Beautiful Girls in One Day

    There is nothing impossible in this world but it seems impossible for one man to marry 2 women at the same day. However, that story happened in the past and it happened in Indonesia. It was Sunan Giri who was one of walisongo members which married 2 girls on the same day. The only difference was just the time to marry. As the youngster, Joko Samudra or known as Sunan Giri was superb and he had cleverness along with wisdom though he was still young back then.

ternak sapi

BAGI SEBAGIAN MASYARAKAT INDONESIA, SAPI ADALAH ROJOKOYO

Makna terpisah dari istilah rojokoyo adalah rojo artinya raja, dan koyo artinya kaya. Tetapi jika digabungkan, maka dua kata tersebut ternyata memiliki arti yang berbeda yaitu hewan ternak. Bagaimana cara yang baik dan benar untuk memeliharanya? Baca selengkapnya...